قومی اسٹار جیولن تھرور ارشد ندیم نے پیرس اولمپکس کے جیولن مقابلوں کے فائنل کیلئے کوالیفائی کرلیا۔
ارشدندیم نے 86.59 میٹر کی تھروکرکےفائنل راونڈکیلئے کوالیفائی کیا،نیرج چوپڑا نے جیولن تھروکےفائنل کیلئےکوالیفائی کرلیا،بھارت کے نیرج چوپڑا نے پہلی باری میں 89.34میٹرکی تھروکی
پیرس اولمپکس میں جیولن تھرو کا فائنل مقابلہ 8 اگست کو رات 11 بجکر 25 منٹ پر کھیلا جائے گا۔
فائنل راؤنڈ میں مجموعی 12 پلیئرز جگہ بنائیں گے، 84 میٹر تھرو کی تعداد 12 سے کم ہونے پر بہترین تھرو والے پلیئرزکوالیفائی کرپائیں گے،جیولین تھرو مقابلوں میں 32 پلیئرز 2 گروپس میں ایکشن میں ہوں گے۔
یاد رہےکہ اس سے قبل ٹوکیومیں ہونے والےاولمپکس میں ارشدندیم پانچویں پوزیشن پر رہے تھے۔
واضح رہےکہ پیرس اولمپکس میں پاکستان کےآخری ایتھلیٹ اورمیڈل جیتنے کی اُمید ارشد ندیم ہیں،پیرس اولمپکس میں کوئی بھی پاکستانی ایتھلیٹس میڈل نہیں جیت سکا۔
