پیکا ایکٹ کے تحت درج مقدمات کی سماعت کے حوالے سے اہم پیش رفت ہوئی ہے۔ اسلام آباد کے ایڈیشنل سیشن جج افضل مجوکا کو پیکا کیسز کا جج نامزد کر دیا گیا۔
سیشن جج اسلام آباد اعظم خان نے باقاعدہ نامزدگی کا آفس آرڈر جاری کر دیا۔ نوٹیفکیشن کے مطابق ایڈیشنل سیشن جج افضل مجوکا پیکا کورٹ کے جج نامزد کیے گئے ہیں۔ پیکا ایکٹ سے متعلقہ تمام ٹرائلز کی سماعتیں اب ایڈیشنل سیشن جج افضل مجوکا کریں گے ۔
یاد رہے کہ 29 جولائی کو وزارت قانون نے پیکا عدالتوں کے حوالے سے نوٹیفکیشن جاری کیا تھا ۔ وزارت قانون نے سیشن ججز ، ایڈیشنل سیشن ججز اور سول ججز کو پیکا کے ٹرائل کا مجاز قرار دیا ۔ ایڈیشنل سیشن جج یا سول جج کی عدم موجودگی میں ڈیوٹی مجسٹریٹ کیسز سنیں گے۔
