پاکستان تحریک انصاف نے پنجاب سے خواتین کی 14 مخصوص نشستوں کیلئے ناموں کو ختمی شکل دینے کیلئے فہرست تیار کرلی ۔
قومی اسمبلی میں تحریک انصاف کی خواتین کیلئے مخصوص نشستوں کے معاملے پر پی ٹی آئی نے پنجاب سے خواتین کی14مخصوص نشستوں کیلئے ناموں کو حتمی شکل دیدی، فہرست کی حتمی منظوری بانی چیئرمین تحریک انصاف دیں گے۔
پی آٹی آئی پنجاب کی جانب سے جمع کروائی گئی فہرست میں خواتین کی مخصوص نشستوں پر پاکستان تحریک انصاف وومن ونگ کی صدر کنول شوزب ہیں،سابق رکن قومی اسمبلی عالیہ حمزہ اور جنرل سیکرٹری وومن ونگ روبینہ شاہین کے نام زیرغور کئے گئے ہیں۔
فہرست میں سابق صدر شمالی پنجاب سیمابیہ طاہر، فرخندہ کوکب اورصدروسطی پنجاب شہنازطارق کا نام بھی شامل ہے،جنرل سیکرٹری پنجاب ڈاکٹر مصباح ظفر، روبیہ جمیل اور ریحانہ ڈار ، خدیجہ شاہ اور ڈاکٹر نوشین حامد کا نام بھی شامل کیا گیا ہے۔
سابق صدر خواتین وونگ راولپنڈی فرح آغا اورفردوس ریحانہ کا نام بھی شامل ہے،سابق گورنر پنجاب عمر چیمہ کی اہلیہ رابیعہ چیمہ کا نام بھی قومی اسمبلی کی مخصوص نشستوں کیلئے نامزد کیا گیا ہے۔
