جمیعت علما ء اسلام ( جے یو آئی ) کی مذاکراتی کمیٹی کا اجلاس ختم ہوگیا جبکہ اجلاس میں پاکستان تحریک انصاف ( پی ٹی آئی ) کے ساتھ اب تک ہونے والے رابطوں پر غور کیا گیا ۔
سربراہ جے یو آئی مولانا فضل الرحمٰن کی زیر صدارت مذاکراتی کمیٹی کا اجلاس ہوا جس میں پاکستان تحریک انصاف ( پی ٹی آئی ) کے ساتھ اب تک ہونے والے رابطوں پر غور کیا گیا ۔
اجلاس میں کامران مرتضیٰ ، مولانا لطف الرحمان ، فضل غفور ، اسلم غوری اور مولانا امجد شریک ہوئے ۔
اجلاس میں فیصلہ کیا گیا کہ پی ٹی آئی سے مذاکرات آگے بڑھانے کیلئے لائحہ عمل طے کیا جائے گا ۔
مولانا فضل الرحمان جے یو آئی کی مذاکراتی کمیٹی کی رہنمائی کریں گے جبکہ تحریک انصاف اور جے یو آئی کی کمیٹیوں کے درمیان باضابطہ مذاکرات آئندہ ہفتے شروع ہوں گے ۔
