مسلم لیگ ن رہنما طلال چودھری کا کہنا تھا کہ ہمارامسئلہ آئی ایم ایف ہے، آئی ایم ایف کی شرائط ہمیں بری لگتی ہیں لیکن ہمارے پاس آئی ایم ایف کےعلاؤہ کوئی آپشن نہیں ہے۔
کراچی میں مسلم لیگ ن کے رہنما طلال چوہدری نے کراچی چیمبر آف کامرس میں خطاب کرتے ہوئے کہا کہ ن لیگ بزنس فرینڈلی کےطورپرہی جانی جاتی ہے، ن لیگ بزنس فرینڈلی پالیسی بناتی ہے، کراچی کی اہمیت سےکوئی دورائےنہیں، جب بھی موقع ملا کراچی کیلئے کام کیا۔
طلال چودھری کا کہنا تھا کہ کراچی کےامن کی بات آئےتونواز شریف سب کوساتھ بٹھاتاہے، کراچی کاامن 2013 سے 2018 میں واپس آیا ہے،کراچی میں 50موٹر ویزہونی چاہیے، اسٹاک ایکسچینج اچھا پرفارم کررہی ہے، انرجی کرائسس کاحل قلیل مدت میں نہیں ہے۔
لیگی رہنما کا مزید کہنا تھا کہ غریب کاچولہا اورفیکٹریاں نہیں چل رہیں، وزیراعظم کا انڈسٹری پربھرپورفوکس ہے، ہمارامسئلہ آئی ایم ایف ہے، ہمارے پاس آئی ایم ایف کےعلاؤہ کوئی آپشن نہیں، آئی ایم ایف کی شرائط ہمیں بری لگتی ہیں، آئی ایم ایف پاکستان پریقین نہیں کرتا۔
صحافیوں سے گفتگو میں طلال چودھری کا کہنا تھا کہ آئی پی پیزاورکپسیٹی چارجزمیں جلدکوئی ریلیف نہیں مل سکتا،یہ ریاستی معاہدے ہیں،بہت سوچ سمجھ کر کئے گئے ہیں،اگران معاہدوں سے پیچھے ہٹیں گےتوبیرونی سرمایہ کاری کیسےآئیگی،بجلی کی قیمتوں اوردیگر معاشی مسائل سے ہماراسیاسی نقصان ہورہا ہے۔
انھوں اپنی گفتگو میں مزید بات کرتے ہوئے کہا کہ صرف تنخواہ دارطبقےکی زمہ داری نہیں کہ وہ ٹیکس بھرے،ٹیکس ٹوجی ڈی پی بڑھاناہوگا،مہنگائی میں کمی ہوئی ہے،آنیوالےدنوں میں شرح سود میں مزیدکمی ہوگی۔
اس موقع پر چیئرمین ٹی ڈیپ زبیرموتی والانےقائمہ کمیٹی کےساتھ اجلاس میں اپنے خطاب میں کہا کہ شہبازشریف جتنی میٹنگ کرتےہیں کسی وزیراعظم کوکرتےنہیں دیکھا ،سرکلرڈیٹ بڑھتاجارہا ہے،بجلی کی قیمتیں بڑھنےسےریجنل ممالک سےپیچھےرہ گئےہیں،گیس کی قیمتیں بھی بڑھتی جارہی ہیں،اس صورتحال میں انڈسٹری نہیں چل سکتیں۔
