سیکیورٹی فورسز نے بنوں کینٹ میں دہشتگردوں کی حملے کی بزدلانہ کوشش ناکام بنادی۔
ذرائع کے مطابق آج صبح4بجکر 40 منٹ پر دہشتگردوں نے بارود سے بھری گاڑی سے دھماکا کیا، دھماکا بنوں کینٹ کی باہر والی دیوار اور سپلائی ڈپو کے درمیان روڈ پر کیا گیا۔
دہشتگردوں نے دھماکا کرکے کینٹ میں داخلے کی کوشش کی۔ سیکیورٹی فورسز نے بروقت کارروائی کرکے دہشتگردوں کی کوشش ناکام بنادی، موثرکارروائی سے دہشتگردوں کو ایک کونے میں محصور کردیا گیا، سیکیورٹی فورسزنےکلیئرنس آپریشن شروع کردیا۔
ذرائع کے مطابق دھماکا غیر معمولی تھا۔ اس کی آواز دور تک سُنی گئی۔ دھماکے سے قریبی عمارتوں کے شیشے ٹوٹ گئے اور بعض چھتیں بھی گرگئیں۔ بنوں میں سیکیورٹی ہائی الرٹ کردی گئی اور ہیلی کاپٹرز کے ذریعے ب شہر کی نگرانی بھی کی جارہی ہے۔
