لاہور کے علاقے مزنگ میں فائرنگ کا افسوسناک واقعہ پیش آیا،جہاں ایک ملزم نے خاتون اور دو بچوں کو گولیاں مار کر قتل کر دیا۔
پولیس کےمطابق واقعہ ایک فلیٹ میں پیش آیا،جہاں ملزم شاہدجٹ نےمبینہ طور پر فائرنگ کی،مقتولہ خاتون کی شناخت عائشہ کے نام سے ہوئی ہے،جبکہ جاں بحق بچوں میں 14 سالہ مصفیرا اور 12 سالہ منیب شامل ہیں۔
واقعے کے بعد ملزم نے خود کو بھی گولی مار کر خودکشی کرلی،قتل کرنےوالےپراپرٹی ڈیلرکی شناخت شاہد جٹ کےنام سےہوئی ہے،ذرائع کے مطابق ملزم شاہد کی جاں بحق خاتون عائشہ سے دوستی تھی اور اکثر اس کے فلیٹ پر آنا جانا رہتا تھا،خاتون کا تعلق ننکانہ سے تھا،شوہر سے الگ رہتی تھی۔
فائرنگ کے نتیجے میں دو بچے زخمی بھی ہوئے،جنہیں فوری طور پرمیو اسپتال منتقل کردیا گیا،واقعے کی اطلاع ملتے ہی کرائم سین یونٹ اور فرانزک ٹیمیں موقع پر پہنچ گئیں اورشواہد اکٹھے کیے جا رہے ہیں۔
