محکمہ موسمیات نے پنجاب اور خیبرپختونخوا میں شدید بارشوں کی پیشگوئی کر دی۔
پنجاب اور خیبرپختونخوا میں شدید بارشوں کے پیش نظر پی ڈی ایم اے نے الرٹ بھی جاری کر دیا ہے جس کے مطابق پنجاب کے اکثر علاقوں میں آج سے پندرہ جولائی تک مون سون بارشیں ہوں گی۔
اربن فلڈنگ کے خطرے کے پیش نظر بڑے شہروں کی انتظامیہ الرٹ رہے گی۔
ریسکیو، واسا، پنجاب پولیس اور سول ڈیفنس کو بھی الرٹ جاری کردیا گیا ہے۔
خیبرپختونخوا کے چوبیس اضلاع میں آج سے پیرتک طوفانی بارشوں کا امکان ہے۔
بارشوں اور گلیشئیرز پھٹنے سے گیارہ اضلاع کو ہائی رسک قرار دے دیا گیا ہے۔
