سکیورٹی خدشات کے باعث کراچی میں قائم جرمن قونصل خانے کو غیر یورپی شہریوں کیلئے بند کردیا گیا ۔
جرمن قونصل خانے کی جانب سے سوشل میڈیا پر جاری اعلامیے میں کہا گیا کہ سیکورٹی وجوہات کی بناء پر آئندہ احکامات تک ویزا سروس معطل رہے گی ۔
اعلامیے کے مطابق یورپین سیٹزن کے لئے سروس بحال رہے گی جبکہ جن پاکستانیوں کاویزا ایشو ہوچکا ہے وہ اپنا ویزا قونصل خانے سے حاصل کر سکتے ہیں ۔
اعلامیہ میں مزید کہا گیا کہ سیکیورٹی خدشات کی بنا پر جرمن قونصل خانہ غیریورپی شہریوں کیلئے بند رہے گا۔
