پاکستان تحریک انصاف ( پی ٹی آئی ) کی سینئر قیادت نے سابق وفاقی وزیر فواد چوہدری سے رابطہ کرلیا۔
بدھ کو پی ٹی آئی کی سینئر قیادت کی جانب سے سابق وزیر فواد چوہدری سے رابطہ کیا گیا جس کے دوران پارٹی رہنماؤں پر تنقید نہ کرنے کی درخواست کی گئی اور ملکی سیاسی صورتحال پر بھی بات چیت کی گئی ۔
اپنی گفتگو میں فواد چوہدری کا مؤقف تھا کہ پی ٹی آئی کی موجودہ پالیسی کے تحت بانی پی ٹی آئی کی رہائی ممکن نہیں۔
پارٹی قیادت نے فواد چوہدری کو یقین دہانی کرائی کہ آپ کی مثبت تجاویز پر غورکریں گے ، ہمارا ایجنڈا بانی چیئرمین کو جلد رہا کرانا اور عوامی مینڈیٹ واپس دلانا ہے ۔
فواد چوہدری اور پی ٹی آئی قیادت میں اتفاق کیا گیا کہ اپوزیشن جماعتوں کا متحد ہونا ضروری ہے ۔
