خاور مانیکا تشدد کیس میں نامزد وکیل فتح اللہ برکی کو گرفتار کر لیا گیا۔
پیر کو اسلام آباد پولیس نے خاور مانیکا تشدد کیس میں نامزد وکیل فتح اللہ برکی کو ضلع کچہری سے گرفتار کیا۔
فتح اللہ برکی درخواست ضمانت خارج ہونے پر کچہری میں ہی چھپ گیا تھا۔
پولیس نے کچہری کے باہر طویل انتظار کے بعد وکیل کو گرفتار کیا۔
فتح اللہ کیخلاف رمنا تھانے میں انسداد دہشت گردی ایکٹ کا مقدمہ درج ہے۔
یاد رہے کہ مبینہ غیر شرعی نکاح کیس میں سزاؤں کے خلاف اپیلوں کی سماعت کے موقع پر فتح اللہ برکی نامی وکیل نے عدالت کے باہر مدعی مقدمہ خاور مانیکا کو تشدد کا نشانہ بنایا تھا۔
