بھارتی ریاست اتراکھنڈ میں بس گہری کھائی میں گرنے سے10 افراد ہلاک ہوگئے۔
غیر ملکی میڈیا کے مطابق بھارتی ریاست اتراکھنڈ میں ایک بس گہری کھائی میں جاگری جس کے نتیجے میں 10 افراد ہلاک جبکہ متعدد زخمی ہوگئے۔
رپورٹس کے مطابق حادثے کا شکار ہونے والی بس میں زیادہ تر سیاح موجود تھے جو بھارت کے مختلف علاقوں سے اتراکھنڈ کے سیاحتی مقامات کی سیر کو جارہے تھے۔
حادثے کے فوری بعد ریسکیو حکام نے زخمیوں کو قریبی اسپتال منتقل کیا۔
