پاکستان اور بھارت کے درمیان ٹی ٹوئنٹی ورلڈکپ کا میچ آج نیویارک میں کھیلا جائے گا۔ اہم ترین میچ سے قبل شاداب خان بھی ان فٹ ہوگئے، بھارت کے خلاف میچ میں شرکت مشکوک ہوگئی۔
ذرائع کے مطابق شاداب خان پریکٹس سیشن کے دوران کمر درد میں مبتلا ہوگئے، جس کے باعث ان کی بھارت کیخلاف ہائی وولٹیج میچ میں شرکت مشکوک ہوگئی ہے۔
مزید پڑھیں
مڈل آرڈر بیٹر اعظم خان بھارت کے خلاف میچ سے آؤٹ
ذرائع کا کہنا ہے کہ شاداب خان کی جگہ صائم ایوب کو شامل کرنے پر غور جاری ہے جبکہ امریکا کے خلاف صفر پر آؤٹ ہونے والے مڈل آرڈر بیٹر اعظم خان بھارت کے خلاف میچ سے آؤٹ ہوگئے۔ عماد وسیم کو اعظم خان کی جگہ ٹیم میں جگہ ملے گی۔
ذرائع کے مطابق بھارت کے خلاف پاکستان کے 11 کھلاڑیوں میں کپتان بابر اعظم، محمد رضوان، عثمان خان، فخر زمان، افتخار احمد، شاداب خان، عماد وسیم، شاہین آفریدی، حارث رؤف، محمد عامر اور نسیم شاہ شامل ہیں۔
