پاک بحریہ کے جہاز پی این ایس اصلت کی بحر ہند میں جاپان اور سپین کے بحری جہازوں کے ساتھ مشقیں ہوئیں، مشقوں کا مقصد خطے میں موجود بحری افواج کے درمیان باہمی تعاون کو بڑھانا اور علاقائی امن یقینی بنانا ہے۔
پاک فوج کے شعبہ تعلقات عامہ (آئی ایس پی آر) کے مطابق پی این ایس اصلت نے ریجنل میری ٹائم سیکیورٹی پیٹرول کے دوران جاپان میری ٹائم ڈیفنس فورس کے جہاز کے ساتھ مشق میں حصہ لیا ۔
پاک بحریہ کے جہاز پی این ایس اصلت نے سپین کے بحری جہاز ایس پی ایس کینارس کے ساتھ بھی جنگی مشق کی، مشقوں کا مقصد خطے میں موجود بحری افواج کے درمیان باہمی تعاون کو بڑھانا تھا۔
آئی ایس پی آر کے مطابق پاک بحریہ سمندر میں امن و امان برقرار رکھنے کے لیے مشترکہ کوششوں پر یقین رکھتی ہے، مشقوں کا انعقاد علاقائی امن کیلئے پاکستان کے عزم کا مظہر ہے۔
