آزاد کشمیر یونیورسٹی کے طلبہ وطالبات نے پاک فوج کے ساتھ اظہار یکجہتی کے لئے ریلی نکالی۔
ریلی کے دوران طلبہ اور اساتذہ نے بڑی تعداد میں شرکت کی اور پاک فوج زندہ باد اور کشمیر بنے گا پاکستان کے نعرے لگائے۔
پاکستان کے قیام سے تاحال پاک سر زمین کی سرحدوں کی حفاظت میں جام شہادت نوش کرنے والے پاک فوج کے جوانوں اور افسران کو سلام عقیدت پیش کیا گیا۔
ریلی کے شرکاء کا پاک فوج کی خدمات کو خراج عقیدت پیش کرتے ہوئے کہنا تھا کہ ہماری افواج ہمارا فخر ہیں۔
انہوں نے کہا کہ مسلح افواج نے دفاع وطن کے لیے لازوال قربانیاں دی ہیں اور دفاع وطن کے لیے اپنی جانیں سپر د کرنے والے ہمارے ہیرو ہیں۔
شرکاء کا مزید کہنا تھا کہ شہداء ہمارے ماتھے کا جھومر ہیں جن کی وجہ سے ہم سب چین کی نیند سوتے ہیں۔
ریلی کے اختتام پر شرکاء نے پاک فوج زندہ باد اور کشمیر بنے گا پاکستا ن کے نعرے لگائے۔
