دنیا کا سب سے بڑا کارگو بحری جہاز ایم ایس سی اینا کراچی کی بندر گاہ پہنچ گیا، جہاز بھارت کی پورٹ مندرہ سے آیا ہے۔
پورٹ انتظامیہ کےمطابق جہاز آج شام کو کسی بھی وقت کراچی پورٹ پر لنگر انداز ہوگا،کارگو بحری جہازچارسو میٹر طویل اورانیس ہزارتین سو اڑسٹھ کنٹینرز رکھنے کی گنجائش کا حامل ہے۔
بحری جہاز کراچی کی بندرگاہ پرکنٹینر اتارے گا اور ایک روز کراچی کی بندرگاہ پر رک کر روانہ ہو جائےگا۔پورٹ انتظامیہ کےمطابق دنیا کے سب سے بڑے کینٹیر شپ کی آمد کی تقریب تیس مئی کو ہوگی۔
