ضلع خیبر میں دہشتگردوں سے جھڑپ کے دوران شہید سیکیورٹی اہلکاروں کی نماز جنازہ ادا کر دی گئی۔
پاک فوج کے شعبہ تعلقات عامہ ( آئی ایس پی آر ) کے مطابق شہید سیکیورٹی اہلکاروں کی نماز جنازہ پشاور گیریژن میں ادا کی گئی جبکہ آرمی چیف جنرل عاصم منیر اور سول و عسکری قیادت نے نماز جنازہ میں شرکت کی۔
سپاہی تیمور ، نادر ، یسین ، لانس نائیک دانش اور نائک اشفاق بٹ کی تدفین آبائی علاقوں میں مکمل فوجی اعزاز کے ساتھ کی جائے گی۔
لازمی پڑھیں۔ خیبرپختونخوا میں سیکیورٹی فورسز کی مختلف کارروائیوں میں 23 دہشت گرد ہلاک
آئی ایس پی آر کے مطابق آرمی چیف نے جوانوں کے بلند حوصلے اور عزم کی تعریف بھی کی جبکہ سی ایم ایچ پشاور میں زخمی اہلکاروں کی عیادت بھی کی۔
پشاور گیریژن پہنچنے پر کور کمانڈر پشاور نے آرمی چیف کا استقبال کیا۔
