لاہور میں پنجاب انسٹیٹیوٹ آف کارڈیالوجی میں جنسی زیادتی کا الزام لگانے والی خاتون نے یوٹرن لے لیا۔
پنجاب انسٹیٹیوٹ آف کارڈیالوجی لاہور میں ایک خاتون کی جانب سے سینٹری ورکر پر مبینہ جنسی زیادتی کا الزام عائد کیا گیا تھا جس پر پولیس کی جانب سے ملازم کے خلاف مقدمہ درج کیا گیا۔
متاثرہ خاتون نے الزام عائد کیا تھا کہ ملزم نے والد کےعلاج کا جھانسہ دے کر مبینہ زیادتی کا نشانہ بنایا۔
تاہم، تفتیش کے دوران ہی خاتون نے مجسٹریٹ کے روبرو پیش ہو کر بیان دیا کہ معاملہ غلط فہمی کی بنیاد پر ہوا اس لئے مقدمہ خارج کیا جائے۔
پولیس کا کہنا ہے خاتون کے بیان کے بعد مقدمہ خارج کردیا گیا ہے۔
