بہاولنگر کے علاقے منچن آباد میں پاکستان آرمی اور سیلانی ویلفیئر ٹرسٹ کا 3 روزہ میڈیکل کیمپ اختتام پذیر ہوگیا۔
میڈیکل کیمپ میں 22 سے 25 مئی کے دوران مجموعی طور پر 3 ہزار افراد کو سہولیات فراہم کی گئی۔
سول ملٹری ڈاکٹرز اور پیرا میڈکس نے جنرل او پی ڈی، چائلڈ او پی ڈی،آنکھوں کے آپریشن اور گائنی او پی ڈی میں خواتین، مردوں اور بچوں کے امراض کی تشخیص اور علاج کیا۔
میڈیکل کمیپ میں چار سے زیادہ آنکھوں کے آپریشن کیے گئے ہیں، مریضوں کو مفت ادویات اور نظر والے چشمے مہیا کئے گئے۔ مقامی آبادی نے پاکستان آرمی کے اس اقدام کو سراہا اور بہترین طبی سہولیات پر شکریہ ادا کیا۔
