ٹی 20 انٹرنیشنل ورلڈ کپ کے لئے قومی سکواڈ کا اعلان آج متوقع ہے۔
انٹرنیشنل کرکٹ کونسل ( آئی سی سی ) ٹی 20 ورلڈ کپ کے لئے قومی سکواڈ کا اعلان آج متوقع ہے اور اس حوالے سے سلیکشن کمیٹی کی انگلینڈ میں موجود کپتان اور کوچ سے مشاورت جاری ہے ۔
انگلینڈ کیخلاف سیریز کیلئے اٹھارہ رکنی اسکواڈ کا اعلان کیا گیا تھا جس میں سے پندرہ رکنی حتمی اسکواڈ کا اعلان کیا جائے گا ۔
ورلڈ کپ کے لئے سکواڈ میں ٹریولنگ ریزرو کھلاڑی بھی شامل کئے جائیں گے ۔
25 مئی تک تمام ٹیموں نے حتمی اسکواڈ کا اعلان کرنا ہے ۔
ورلڈکپ کا میلہ دو جون سے ویسٹ انڈیز اور امریکا میں سجے گا۔
دوسری جانب پاکستان کرکٹ ٹیم لیڈز سے برمنگھم پہنچ گئی ہے جہاں آج صبح ساڑھے نو بجے سے ساڑھے بارہ بجے تک پریکٹس کرے گی۔
پاکستان اور انگلینڈ کے درمیان دوسرا ٹی ٹوئنٹی انٹرنیشنل ہفتے کے روز ایجبسٹن میں کھیلا جائے گا۔
