وزیراعظم شہبازشریف نے جمیعت علمائے اسلام ( جے یو آئی ) کو ملک کی خاطر ساتھ چلنے کی دعوت دے دی۔
منگل کو اسلام آباد میں وزیر اعظم شہباز شریف سے جے یو آئی رہنماؤں مولانا عبد الغفور حیدری ، عثمان بادینی اور نور عالم خان نے ملاقات کی ہے۔
ملاقات کے دوران شہباز شریف نے کہا ملک کو درپیش مسائل کے حل اور معیشت کو پٹڑی پرڈالنے کیلئے سیاسی قوتوں کو ساتھ لے کر چلنا چاہتے ہیں۔
ملاقات میں ملک کی مجموعی و سیاسی صورت حال اور بلوچستان کے ترقیاتی منصوبوں پر تبادلہ خیال کیا گیا۔
وزیر اعظم کا کہنا تھا بلوچستان کے عوام کی فلاح و بہبود حکومت کی اولین ترجیحات میں شامل ہے، صوبے کے نوجوانوں کو تعلیم و روزگار کے یکساں مواقع فراہم کیے جائیں گے۔
