پاکستان نے امریکہ اور ویسٹ انڈیز میں شیڈول ورلڈ کپ کیلئے تیاریاں شروع کر دی ہیں جو کہ یکم جون سے کھیلا جائے گا اور اسی سی ضمن میں قومی ٹیم کی نئی ’ کٹ ‘ کی پہلی جھلک فینز کیلئے جاری کر دی ہے جو جلد ہی کھلاڑیوں پر سجی دکھائی دے گی ۔
تفصیلات کے مطابق پاکستان پاکستانی ٹیم 10 مئی کو آئرلینڈ کے خلاف پہلا ٹی ٹوینٹی میچ ڈبلن میں کھیلے گی جبکہ آئرلینڈ کے بعد انگلینڈ کے ساتھ ٹی ٹوینٹی سیریز شیڈول ہے ۔ پاکستان کرکٹ بورڈ نے دورہ آئرلینڈ اور انگلینڈ کیلئے ٹیم کا اعلان کر دیاہے تاہم ورلڈ کپ سکواڈ کا اعلان بعد میں کیا جائے گا ۔
دورہ انگلینڈ اور آئرلینڈ کیلئے سکواڈ میں بابراعظم ، ابرار احمد، اعظم خان، فخر زمان، حارث روف، حسن علی ، افتخار احمد، عماد وسیم، محمد عباس آفریدی، محمد عامر، محمد رضوان، محمد عرفان خان ، نسیم شاہ، صائم ایوب، سلمان علی آغا، شاداب خان ، شاہین شاہ آفریدی اور عثمان خان سکواڈ میں شامل ہیں ۔
پاکستان دس مئی کو ڈوبلن میں آئرلینڈ کے خلاف پہلا میچ کھیلے گی جبکہ انگلینڈ کے خلاف پہلا میچ 22 مئی کو لیڈز میں ہوگا۔
