انٹرنیشنل کرکٹ کونسل ( آئی سی سی ) چیمپئنز ٹرافی 2025 کے دوران بھارتی ٹیم کی نقل وحرکت محدود رکھنے کی تجویز سامنے آگئی۔
آئی سی سی چیمپئنز ٹرافی 2025 کا انعقاد پاکستان میں ہونا ہے جبکہ ایونٹ کے میچز تین وینیوز پر کھیلے جائیں گے جن میں کراچی، لاہور اور راولپنڈی شامل ہیں۔
ذرائع کے مطابق میگا ایونٹ کے دوران بھارتی ٹیم کے میچز ایک ہی شہر میں رکھنے کی تجویز ہے جس کا مقصد پاکستان میں قیام کے دوران بھارتی ٹیم کا سفر کم رکھنا ہے۔
لازمی پڑھیں۔ جنوبی افریقہ کا ٹی 20 ورلڈ کپ کیلئے 15 رکنی سکواڈ کا اعلان
ذرائع کا مزید کہنا تھا کہ پاکستان کرکٹ بورڈ ( پی سی بی ) چیمپئنز ٹرافی کا ابتدائی ڈرافٹ شیڈول آئی سی سی کو بھیج چکا ہے جس پر دیگر ممالک کی رائے لی جائے گی۔
