یوریا کھاد کی قیمت اور سپلائی کو مستحکم کرنے کے لیے وزارت صنعت و پیداوارنے بڑے پیمانے پر یوریا کھاد کی درآمد کا فیصلہ کرلیا۔
فرٹیلائزر ریویو کمیٹی نے خریف سیزن کرنے کے لیے یوریا کھاد کی درآمد کی سفارش کردی۔ قلت سے بچنے کے لیےدو لاکھ میٹرک ٹن یوریا کھاد فوری درآمد کرنے کی جائے گی۔ یوریا کھاد کی درآمد کی حتمی منظوری ای سی سی آئندہ اجلاس میں دے گی۔ خریف سیزن میں یوریا کھاد کی مانگ گزشتہ سال کے مقابلے میں تین اعشاریہ چھ فیصد زیادہ ہے۔
وفاقی وزیر صنعت و پیداوار رانا تنویر کہتے ہیں یوریا کھاد کی درآمد کا مقصد ملک میں غذائی تحفظ کو یقینی بنانا ہے۔ درآمد سے پاکستان کے کسانوں کی پیداواری صلاحیت میں اضافہ ہوگا اور بروقت درآمد سے قیمت میں نمایاں کمی آئے گی۔
انہوں نے کہا کہ کسانوں کو خریف سیزن میں یوریا کھاد بلا تعطل میسر ہوگی۔ تمام مقامی یوریا فرٹیلائزر پلانٹس بھی پوری صلاحیت کے ساتھ فعال رہیں گے۔ حکومت کسانوں کے فائدے کے لیے فرٹیلائزر انڈسٹری کو گیس کی فراہمی کو یقینی بنا رہی ہے۔
