پاکستانی روپے کے مقابلے امریکی کرنسی ڈالر کی قدر میں معمولی اضافہ ہوگیا۔
کاروباری ہفتے کے دوسرے روز انٹر بینک میں روپے کے مقابلے ڈالر کی قدر میں 5 پیسے کا اضافہ ریکارڈ کیا گیا ہے۔
سٹیٹ بینک آف پاکستان ( ایس بی پی ) کے مطابق منگل کو ڈالر 5 پیسے اضافے کے بعد کاروبار کے اختتام پر 278.38 پیسے پر بند ہوا۔
یاد رہے کہ کاروباری ہفتے کے پہلے روز ڈالر 278.33 پیسے پر بند ہوا تھا۔
دوسری جانب پاکستان سٹاک مارکیٹ میں کاروبار کا منفی اختتام ہوا اور پاکستان اسٹاک ایکسچینج بلند ترین سطح سے نیچے آگئی۔
سٹاک ایکسچینج میں 100 انڈیکس 74 پوائنٹس گر کر 71 ہزار 359 پوائنٹس پر بند ہوا۔
