ویسٹ انڈیز ویمن کرکٹ ٹیم کراچی پہنچ گئی،مہمان ٹیم کا استقبال پی سی بی ویمنز ونگ کی جنرل منیجر عائشہ اشعر نے کیا۔
،ویسٹ انڈیز ویمن ٹیم کل سےٹریننگ کا آغاز کرے گی،ویسٹ انڈیز ویمن ٹیم پاکستان کیخلاف ون ڈے اور ٹی 20 سیریزکھیلے گی۔
تین ون ڈے اورپانچ ٹی ٹوئنٹی میچوں کی سیریز 18 اپریل سے3 مئی تک کراچی میں ہوگی،بیٹنگ کوچ توفیق عمر اور ویمن کرکٹر بسمہ معروف 15 اپریل کو کیمپ میں رپورٹ کریں گے۔
خیال رہےکہ سلیم جعفرکی سربراہی میں خواتین کی قومی سلیکشن کمیٹی نے ویسٹ انڈیز کی خواتین ٹیم کے خلاف 16 رکنی ون ڈے اورٹی ٹوئنٹی اسکواڈ کا اعلان کیاگیا تھا،جس میں پانچ کرکٹرزکی واپسی ہوئی ہے۔
قبل ازیں چیف سلیکٹرسلیم جعفرکاکہنا تھا کہ سلیکشن کمیٹی نے کپتان ندا ڈار اور عبوری ہیڈ کوچ کی مشاورت سےون ڈے اورٹی ٹوئنٹی سیریز کےلیے 16 رکنی اسکواڈ کوحتمی شکل دی، اسکواڈمیں شامل پانچ کھلاڑی ڈومیسٹک ٹورنامنٹ میں اپنی کارکردگی اورکیمپ میں اچھی مہارت کا مظاہرہ کرنےکی وجہ سے واپس آئی ہیں۔
