پاک برطانیہ معدنی شعبے کی ترقی کیلئے اشتراک، جیوسائنس تربیتی پروگرام شروع ہو گیا، وزیر پیٹرولیم علی پرویزملک اور برطانوی ہائی کمشنر جین میریٹ نے منصوبے کا افتتاح کیا۔ یو کے فنڈڈ پروگرام کے تحت جی ایس پی کی تکنیکی استعداد بڑھانے کیلئے تربیت دی جائے گی ۔
برطانوی ہائی کمشنر کا کہنا تھا برطانوی وزیراعظم کیئر اسٹارمر نے پارلیمنٹ میں پاکستان کی امن کوششوں کا شکریہ ادا کیا ۔ پاکستان کے پاس غیرمعمولی جغرافیائی و معدنی صلاحیت موجود ہے ۔ وزیر پیٹرولیم نے برطانوی ہائی کمیشن اور ایف سی ڈی او کے تعاون کو سراہا ۔ علی پرویز ملک کا کہنا تھا بین الاقوامی معیار کے مطابق جیوسائنس تربیت اور جدید طریقہ کار متعارف کرائے جائیں گے ۔ جی ایس پی جیسےاداروں کےذریعےسرمایہ کاری کیلئے پاکستان کو پُرکشش بنایا جائے گا ۔ عالمی سطح پر معدنی وسائل کی طلب میں اضافہ ہو رہا ہے ۔
