پاکستان کرکٹ بورڈ ( پی سی بی ) کی سلیکشن کمیٹی کے ارکان نے کاکول تربیتی کیمپ میں کھلاڑیوں سے ملاقات کی ہے۔
پی سی بی کی سلیکشن کمیٹی کے ارکان کاکول تربیتی کیمپ پہنچے جہاں انہوں نے کیمپ میں شریک کرکٹرز سے ملاقات کی اور کھلاڑیوں کو سلیکشن پالیسی کے سلسلے میں اعتماد میں لیا۔
کیمپ میں موجود 30 کے قریب کھلاڑیوں سے ملاقات میں سلیکٹرز وہاب ریاض، محمد یوسف، عبدالرزاق، اسد شفیق اور بلال افضل اور دیگر موجود تھے ۔
لازمی پڑھیں۔ آئی سی سی نے پلیئر آف دی منتھ کا اعلان کردیا
محمد رضوان عمرہ ادائیگی کیلئے سعودی عرب جانے کے باعث اجلاس میں شرکت نہ کر سکے ۔
کمیٹی نے کھلاڑیوں کی روٹیشن پالیسی اورنئےکھلاڑیوں کو مواقع دینے سے متعلق بھی آگاہ کیا ۔
لازمی پڑھیں۔ آرمی چیف جنرل عاصم منیر کا پاکستان کرکٹ ٹیم کے اعزاز میں افطارعشائیہ
یاد رہے کہ نیوزی لینڈ کیخلاف ٹی ٹوئنٹی سیریز کیلئے پاکستان اسکواڈ کا اعلان آج لاہور میں ہوگا، نیوزی لینڈ کے خلاف سیریز کے بعد قومی ٹیم انگلینڈ اور آئرلینڈ کا دورہ کرے گی۔
پاکستان ٹیم اس سال امریکا اور ویسٹ انڈیز میں ہونے والے آئی سی سی ٹی 20 ورلڈ کپ میں بھی حصہ لے گی۔
