نیشنل بینک آف پاکستان( این بی پی) نے پاکستان بلائنڈ کرکٹ کونسل کو معاونت فراہم کرتے ہوئے متحدہ عرب امارات میں منعقدہ سہ فریقی بلائنڈ کرکٹ سیریز میں شرکت کے لئے سپانسر کیا ہے۔
اعلامیہ کے مطابق یہ میچز دبئی میں آئی سی سی کرکٹ اکیڈمی میں منعقد ہوئے۔ سیریز نے بلائنڈ کرکٹرز کو عالمی سطح پر اپنی صلاحیتوں کے جوہر دکھانے کا موقع فراہم کیا اور بصارت سے محروم کھلاڑیوں کی صلاحیتوں کے بارے میں عوامی آگاہی پیدا کی۔
پاکستان بلائنڈ کرکٹ کونسل، پاکستان میں بلائنڈ کرکٹ کی گورننگ باڈی اور ورلڈ بلائنڈ کرکٹ کونسل کی بانی رکن ہے۔ این بی پی گزشتہ ایک دہائی سے زیادہ عرصے سے پی بی سی سی کے ساتھ شراکت داری میں پاکستان بھر میں بصارت سے محروم کھلاڑیوں کے لئے ٹی 20 کرکٹ میچز کا انعقاد کروا رہا ہے۔
