پاکستان کرکٹ بورڈ نے بابراعظم کو ایک مرتبہ پھر کپتان بننے کی پیشکش کر دی ہے لیکن ابھی اس پر کوئی واضح اعلا ن سامنے نہیں آ سکا ہے تاہم ا س دوران بابراعظم کی سوشل میڈیا پر کی گئی پوسٹ صارفین کی توجہ کا مرکزضروربن گئی ہے ۔
تفصیلات کے مطابق بابراعظم نے سوشل میڈیا پر کثرت کرتے ہوئے اپنی تصاویر شیئر کیں اور ساتھ پیغام درج کرتے ہوئے لکھا صرف انگریز کا لفظ ’بیک‘ (back ) لکھا اور ساتھ پاکستان کے جھنڈے کا سٹیکر استعمال کیا ۔ بابراعظم کے مختصر پیغام نے سوشل میڈیا پر چہ مگوئیاں شروع کر دی ہیں ، کچھ کہہ رہے ہیں وہ کپتان بننے جارہے ہیں تو کوئی اس کا مطلب کثرت میں واپسی پر لے رہے ہیں لیکن اس وقت تک کچھ بھی حتمی نہیں جب تک پی سی بی اس پر کوئی واضح اعلان نہ کر دے ۔
یاد رہے کہ چیئرمین کرکٹ بورڈ محسن نقوی نے بابراعظم کو کپتان بنانے کا فیصلہ کر لیاہے اور اس حوالے سے شاہین شاہ آفریدی کو بھی آگاہ کر دیا گیا ہے ۔
دوسری جانب اس وقت کاکول میں پاک فوج کی زیر نگرانی قومی ٹیم کے کھلاڑیوں کا فٹنس کیمپ جاری ہے جس میں سلیکٹرز کھلاڑیوں کی فٹنس کا جائزہ لیں گے اور اسی بنیاد پر نیوزی لینڈ کے خلاف سکواڈ کیلئے حتمی کھلاڑیوں خو فائنل کیا جا ئے گا۔
