پاکستان نے آسٹریلیا کے خلاف ون ڈے سیریز کے پہلے میچ میں ٹاس جیت کر پہلے بیٹنگ کرنے کا فیصلہ کیا ہے۔
میچ کے لیے پاکستان کی پلیئنگ الیون کا اعلان بھی کر دیا گیا ہے، جس میں صاحبزادہ فرحان اور معاذ صداقت اوپننگ کی ذمہ داریاں انجام دیں گے۔
نوجوان آل راؤنڈر عرفات منہاس آج آسٹریلیا کے خلاف اپنا ون ڈے ڈیبیو کر رہے ہیں۔ پاکستان ٹیم کے منیجر نوید اکرم چیمہ نے انہیں ڈیبیو کیپ دی، جبکہ ساتھی کھلاڑیوں اور ٹیم آفیشلز نے مبارک باد اور نیک خواہشات کا اظہار کیا۔
پاکستان کی پلیئنگ الیون میں بابراعظم ، وکٹ کیپر غازی غوری ، سلمان علی آغا ، عبدالصمد ، شاداب خان ، عرفات منہاس، شاہین شاہ آفریدی ، حارث روف اور ابرار احمد شامل ہیں۔
پاکستانی ٹیم سیریز کے پہلے میچ میں کامیاب آغاز کے لیے پُرامید ہے۔
