خیبر پختونخوا کے ضلع بونیر میں ٹریفک حادثے کے نتیجے میں ایک ہی خاندان کے 7 افراد جاں بحق ہوگئے۔
جمعرات کی شام بونیر کے پہاڑی علاقہ شنگڑہ چغرزی میں افسوسناک ٹریفک حادثہ پیش آیا جہاں سواریوں سے بھری نان کسٹم پیڈ ڈاٹسن مرکزی بازار سواڑی سے چعرزی کے علاقہ شنگڑہ جاتے ہوٸے تورنو کمر کے مقام پر ڈرائیور سے بے قابو ہوکر ایک گہری کھائی میں جاگری۔
افسوسناک حادثے نتیجے میں ایک ہی خاندان کے 7 افراد جاں بحق ہوگئے۔
پولیس زرائع کے مطابق حادثے کے نتیجے میں جاں بحق ہونے والوں میں پانچ خواتین اور دو مرد شامل تھے۔
واقعہ کے بعد مقامی لوگوں، ریسکیو اور پولیس کے اہلکاروں نے حادثے میں جاں بحق ہونے والے افراد کو کھائی سے نکالنے کے لئے اقدامات شروع کر رکھے ہیں۔
