حکومت پنجاب کی جانب سے نیزہ بازی کے عالمی مقابلے میں سلور میڈل جیتنے پر ارشد ندیم کو30 لاکھ کا انعامی چیک دیا گیا۔
نگران وزیر اعلیٰ پنجاب محسن نقوی سے ورلڈ ایتھلیٹک نیزہ بازی چیمپن شپ میں ملک کا نام روشن کرتے ہوئے سلور میڈل جیتنے والے کھلاڑی ارشد ندیم نےملاقات کی۔اس موقع پرصوبائی وز راء ڈاکٹر جاوید کرم،عامرمیر،اظفر علی ناصر،منصور قادر،صوبائی مشیر وہاب ریاض،سیکرٹری سپورٹس،سیکرٹری انفارمیشن،ڈی جی سپورٹس اوردیگر حکام بھی اس موقع پر موجود تھے۔
ملاقات کے دوران وزیر اعلیٰ محسن نقوی نے کھلاڑی ارشد ندیم کی ملاقات، 30لاکھ روپے کا انعامی چیک دیا۔اور ارشد ندیم کی درخواست پر میاں چنو ں سٹیڈیم کیلئے فنڈز فراہم کرنے کا اعلان کیا۔
نگران وزیر اعلیٰ محسن نقوی کا کہناتھا کہ ارشد ندیم نے پاکستان کا نام روشن کیا، ہمیں آپ پر فخر ہے ، کم وسائل کے باوجودپاکستانی نوجوان کھلاڑیوں کی صلاحیت ہر قسم کے شک و شبہ سے بالاتر ہے۔
اس موقع پر ارشد ندیم کا کہنا تھا کہ پاکستان کیلئے گولڈ میڈل حاصل کرنا میرا ہدف ہے،حوصلہ افزائی پر وزیراعلیٰ محسن نقوی اورحکومت پنجاب کا شکر گزار ہوں۔
