چین کے صوبے ہونگ زو میں جاری ایشین گیمز میں پاکستان والی بال ٹیم نے پانچویں پوزیشن کا میچ جیت لیا۔
قومی والی بال ٹیم نے پانچویں پوزیشن کے میچ میں روایتی حریف بھارت کو سنسنی خیز مقابلے کے بعدشکست دی۔
پاکستان نے بھارت کو صفر کے مقابلے میں تین سیٹ سے ہرایا،قومی ٹیم کی جیت کا اسکور 21-25، 20-25 اور 23-25 رہا۔جس کے بعد پاکستان والی بال ٹیم ایونٹ میں پانچویں پوزیشن حاصل کرنے میں کامیاب رہی۔
یارہے کہ قومی ٹیم کو کوارٹرفائنل میں قطر کے ہاتھوں شکست کا سامنا کرنا پڑا تھا۔
