چیئرمین پی سی بی محسن نقوی نے ملک کے 3 بڑے کرکٹ اسٹیڈیمز کی اپ گریڈیشن کا اعلان کردیا۔
چئیرمین پاکستان کرکٹ بورڈ محسن نقوی کی زیر صدارت اجلاس ہوا،نیسپاک حکام کی تینوں اسٹیڈیمز کے اپ گریڈیشن کے ابتدائی ڈیزائن پر بریفنگ دی،کراچی،لاہور اور راولپنڈی اسٹیڈیمزکی اپ گریڈیشن کا ابتدائی ڈیزائن محسن نقوی کو پیش کیا گیا۔
اس موقع پر اجلاس سےگفتگوکرتےہوئےچیئرمین پی سی بی کاکہناتھا کہ چیمپئنز ٹرافی سےقبل تینوں اسٹیڈیمز کی اپ گریڈیشن کی جائے،محسن نقوی نےپی سی بی حکام کے ساتھ ابتدائی ڈیزائن کا تفصیلی جائزہ لیا،محسن نقوی نےشائقین کےلئے سہولتوں کی بہتری کیلئے نیسپاک حکام کو ضروری ہدایات دیں۔
اس کے علاوہ اپ گریڈیشن کےحتمی پلان کو بھی جلد پیش کرنےکی ہدایت کی ہے، سہولتوں اورمیچ ویو کو بہتر بنانے کا پلان بھی تیار کیا جائے،اسٹیڈیمز میں وی آئی پی باکس میں اضافے اورنشستوں کو آرام دہ بنانے کی بھی ہدایت کی۔
