اسرائیلی فوج کے نصیرات اور رفاہ پر فضائی حملوں میں بچوں سمیت 22 فلسطینی شہید ہوگئے۔
عرب میڈیا رپورٹ کےمطابق قابض اسرائیلی فوج چن چن کرنہتےفلسطینیوں کو نشانہ بنانے لگی،نصیرات میں اسرائیلی فوج کے تازہ حملے میں بچوں سمیت 8 فلسطینی شہید ہو گئے،گولہ باری سے البنا خاندان کاگھر مکمل تباہ ہوگیا،رفاہ میں بھی فضائی حملے، 14فلسطینی شہید ہوگئے۔
عرب میڈیا رپورٹ کےمطابق قطر میں غزہ جنگ بندی مذاکرات کادوبارہ آغاز ہوگیا، حماس اوراسرائیل کےدرمیان مذاکرات جاری ہیں،اسرائیلی وفدمصری اورقطری ثالثوں سےبات چیت کر رہا ہے،مذاکرات مسلسل دو ہفتے تک جاری رہ سکتے ہیں۔
امریکی صدر جو بائیڈن نے اسرائیلی وزیر اعظم سے ٹیلیفونک گفتگو میں رفاہ میں زمینی آپریشن پر شدید تحفظات کا اظہارکردیا،بائیڈن نے نیتن یاہو کو متبادل لائحہ عمل اختیارکرنے کا مشورہ اورامدادی کی بلا رکاوٹ ترسیل پر زور دیا۔
