بانی چیئرمین پی ٹی آئی عمران خان نے سینیٹ انتخابات کیلئے امیدواروں کے ناموں کی منظوری دے دی۔
فہرست میں موجود مخلتف ناموں میں سے 14 کے قریب نام بانی چیئرمین نے خود فائنل کئے، خیبرپختونخوا سے جنرل نشستوں پر مراد سعید، فیصل جاوید، مرزا محمد آفریدی امیدوار ہوں گے۔ عرفان سلیم، خرم ذیشان اور اظہر مشوانی بھی امیدوار ہوں گے۔
اعظم سواتی اور ارشاد حسین ٹیکنوکریٹ کی نشست پر پی ٹی آئی کے امیدوار ہوں گے، خواتین کی نشستوں پر عائشہ بانو اور روبینہ ناز کو ٹکٹ دیا جائے گا۔
پنجاب سے حامد خان اور زلفی بخاری جنرل نشست پر امیدوار ہوں گے، پنجاب میں ٹیکنوکریٹ کی نشست پر یاسمین راشد امیدوار ہوں گی۔ پنجاب سے خواتین کی نشست پر صنم جاوید امیدوار ہوں گی۔
