قومی ٹیم کےسٹار فاسٹ بولر شاہین شاہ آفریدی کی سابق کپتان شاہد آفریدی کی صاحبزادی کیساتھ شای کی تاریخ منظر عام پر آگئی ہے۔
قومی ٹیم کے سٹار فاسٹ بولر شاہین شاہ آفریدی ایشیاء کپ کے بعد شادی کے بندھن میں بندھ جائیں گے۔قومی ٹیم کے فاسٹ بولر شاہین آفریدی کی بارات کی تقریب 19 ستمبر کو کراچی میں ہوگی جبکہ و لیمہ کی تقریب 21 ستمبر کو اسلام آباد کے نجی ہوٹل میں ہوگی۔
شاہین آفریدی اور انشا آفریدی کا رواں برس فروری کے آغاز میں کراچی میں نکاح ہوا تھا جس میں معروف کرکٹرز سمیت قریبی رشتے داروں نے شرکت کی تھی۔
کچھ ماہ قبل شاہد آفریدی نے کہا تھا کہ ان کی صاحبزادی انشا اور قومی ٹیم کے فاسٹ بولر شاہین آفریدی کی شادی ایشیا کپ کے باعث فی الحال ملتوی کرنی پڑے گی۔
واضح رہے کہ شادی کی حتمی تاریخ کے حوالے سے شاہد آفریدی یا شاہین کی جانب سے باضابطہ اعلان سامنے نہیں آیا۔
