جمعیت علماء اسلام (جے یو آئی) کے کوٹے پر نامعلوم خاتون کی رکن قومی اسمبلی بننے کا انکشاف ہوا ہے۔ سربراہ جے یو آئی مولانا فضل الرحمان کا الیکشن کمیشن سے تحقیقات کا مطالبہ کردیا۔
تفصیلات کے مطابق جے یو آئی کوٹے پر نامعلوم خاتون کے مخصوص نشست پر کامیابی کے نوٹیفیکیشن کا معاملے پر مولانا فضل الرحمان نے نوٹیفکیشن منسوخ کرنے اور تحقیقات کرنے کیلئے الیکشن کمیشن کو خط لکھ دیا۔
خط کے مطابق صدف احسان نہ تو پارٹی کی رکن ہیں نہ ہی ان کا نام جےیوآئی کی فہرست میں ہے، صدف احسان کا نوٹیفیکیشن منسوخ کرکے حنا بی بی کی کامیابی کا نوٹیفیکیشن جاری کیا جائے۔
خط میں مطالبہ کیا گیا ہے کہ مخصوص نشست کیلئے اجنبی خاتون کے نام کا نوٹیفیکیشن جاری کیے جانے کی تحقیقات کروائی جائے، تحقیقات کروائی جائے کہ نوٹیفکیشن ملی بھگت سے جاری ہوا یا غلطی ہے۔
