محکمہ موسمیات کا کہنا ہے کہ آئندہ 24 گھنٹوں میں ملک کے بیشتر علاقوں میں موسم سرد اور مطلع ابر آلود رہے گا۔
محکمہ موسمیات کے مطابق بالائی بلوچستان ،بالائی پنجاب، گلگت بلتستان اور خیبر پختونخوا میں تیز بارش اور برفباری متوقع ہے جبکہ اسلام آباد، کشمیر اور ملحقہ پہاڑوں پر بھی تیز ہواؤں کے ساتھ بارش اور برفباری کا امکان ہے۔
آج سب سے کم درجہ حرارت لیہہ اور کالا میں منفی 4 گریڈ ریکارڈ کیا گیا۔
استور میں منفی 2 ، ہنزہ اور اسکردو میں منفی ایک ڈگری سینٹی گریڈ رہا جبکہ کوئٹہ میں 5، اسلام آباد 11،پشاور 11،لاہور 13 اور کراچی میں 18 ڈگری سینٹی گریڈ ریکارڈ کیا گیا۔
