قاضی احمد کے قریب قومی شاہراہ پر برادیوں کی گاڑی اور ٹرک میں تصادم کے نتیجے میں 6 افراد جاںبحق جبکہ 15 زخمی ہوگئے۔
تفصیلات کے مطابق نواب شاہ میں قاضی احمد قومی شاہراہ پر باراتیوں کی گاڑی اور ٹرک میں تصادم ہو گیا ہے، جس کے نتیجے میں بچوں سمیت 6 افراد جاں بحق جب کہ 15 افراد شدید زخمی ہو گئے ہیں، 3 شدید زخمیوں کو تشویش ناک حالت میں پی ایم یو اسپتال نواب شاہ منتقل کر دیا گیا ہے۔
اطلاع ملتے ہی پولیس جائے وقوعہ پر پہنچ گئی تھی اور لاشوں اور زخمیوں کو تحصیل ہیڈ کوارٹر اسپتال قاضی احمد منتقل کیا گیا، جاں بحق ہونے والوں میں خاتون بھی شامل ہے۔
پک اپ گاڑی باراتیوں کو لے کر دولت پور سے سکرنڈ جا رہی تھی جب حادثہ پیش آیا، پولیس نے ٹرالر تحویل میں لے کر ڈرائیور کو گرفتار کر لیا ہے۔
