یومِ پاکستان پر مسلح افواج کی خصوصی پریڈ کیلئے تیاریاں جوش و خروش سے جاری ہیں۔
یوم پاکستان کے مناسبت سے 23 مارچ کے لیے پریڈ گراؤنڈ کو بھی خصوصی طور پر خوبصورت پھولوں اور پودوں سے سجایا جارہا ہے۔ ہارٹیکلچر ماہرین نے یوم پاکستان کے متعلق اپنے جذبات کا اظہار کرتے ہوئے کہا کہ 23 مارچ کا دن ہمارے لیے عید کا دن ہوتا ہے۔
انچارچ ہارٹیکلچر محمد اورنگزیب نے کہا کہ جیسے وہاں ہمارے فوجی بھائی پریڈ کی تیاری کررہے ہیں، ویسے ہم یہاں پھول پودے لگا کر گراؤنڈ سجا رہے ہیں، مختلف رنگوں اور ڈیزائنز کے پھول اور پودے لگائے جارہے ہیں اور کیاریاں بنارہے ہیں۔
محمد اورنگزیب نے کہا کہ ہماری کوشش ہے کہ خوبصورت پھولوں سے گراؤنڈ کو ایسے رنگین کر دیں کہ باہر سے جو ڈیلیگیشن آتے ہیں وہ بھی خوش ہوکر جائیں، ہمارا سٹاف دن رات کام کررہا ہے تاکہ ہمارے ملک کا نام روشن ہو۔ ہم ہمارے قومی دن کو مزید خوبصورت بنانے میں کوئی کسر نہیں چھوڑیں گے۔
