بجلی کمپنیاں صوبوں کے حوالے کرنے کی تجویز پر غور کرنے کےلیے جائزہ کمیٹی تشکیل دیدی گئی۔
وزیراعظم شہباز شریف کی زیر صدارت نجکاری پر اعلی سطح کا اجلاس ہوا۔ وزیراعظم نے بجلی کمپنیاں صوبوں کے حوالے کرنے کی تجویز پر جائزہ کمیٹی تشکیل دے دی۔ جائزہ کمیٹی وزیراعظم شہباز شریف کو اپنی تجاویز پیش کرے گی۔
وزیراعظم نے ہدایت کی کہ نجکاری کے عمل میں حائل رکاوٹیں جلد ازجلد دور کی جائیں۔ ملک کو خساروں سے نجات اور پاکستان کی معاشی حالت بہتر کی جائے۔ وزیراعظم نے نجکاری کے عمل میں شامل اداروں کی مکمل فہرست اورپیشرفت رپورٹ طلب کرلی۔ وزیراعظم نے کہا کہ کابینہ بنتے ہی نجکاری کے زیر التوا حل طلب مسائل وہاں پیش کیے جائیں۔
