،شمالی غزہ میں جبالیہ مسجد پر اسرائیلی حملے میں 5فلسطینی شہید ہوگئے۔
تفصیلات کےمطابق غزہ پراسرائیلی محاصرہ 153ویں روزمیں داخل ہوگیا،غزہ میں ڈی ہائیڈریشن اورخواراک کی کمی سے 20فلسطینی جاں بحق ہوئے،وسطی غزہ کے شہر دیرالبلاح میں اسرائیلی بمباری سے15فلسطینی شہید ہوئے۔
غزہ سٹی میں امداد کےمنتظر شہریوں پراسرائیلی فوج کی فائرنگ ،ایک شہید اور 9 زخمی ہوئے،رفح اورنصیرات کیمپ میں گھروں پر اسرائیلی بمباری ،متعد شہری زخمی اور لاپتہ ہوئے۔
چینی وزیرخارجہ وانگ یی نےاقوام متحدہ میں فلسطین کی مکمل رکنیت کی حمایت کا اعلان کردیا،سلامتی کونسل کے کچھ ارکان اس میں رکاوٹیں کھڑی نہ کریں۔ چین اعلی سطح کی غزہ امن کانفرنس بلانےکامطالبہ کرتاہے، غزہ میں شہریوں کے قتل کا کوئی جواز نہیں،بین الاقوامی برادری جنگ بندی کے لئے اقدامات اٹھائے، چین فلسطینی عوام کے جائزحقوق اور حق خودارادیت کا حامی ہے۔
اسرائیلی فوج نےتصدیق کرتےہوئےکہاکہ جنوبی غزہ میں فلسطینی جنگجوؤں کے ساتھ لڑتے ہوئے ایک فوجی ہلاک، 13زخمی ہوئے،6 زخمی فوجیوں کی حالت تشویشناک ہے۔
