سعودی ولی عہد شہزادہ محمد بن سلمان نے وزیراعظم منتخب ہونے پر شہبازشریف کو مبارک باد دیتے ہوئے پیغام جاری کر دیاہے ۔
تفصیلات کے مطابق محمد بن سلمان نے وزیراعظم اور پاکستان کیلئے نیک خواہشات کااظہار کیا ہے جبکہ گزشتہ روز چینی صدر ژی جن پنگ کی جانب سے مبارک باد دیتے ہوئے خصوصی پیغام جاری کیا گیا تھا ۔
ملائیشیاء کے وزیراعظم انورابراہیم نے ٹیلیفون کرکے شہبازشریف کو وزیراعظم منتخب ہونے پر مبارک باد دی اور نیک خواہشات کا اظہار کیا ، شہبازشریف نےملائیشیاکےوزیرِاعظم کوپاکستان کےدورےکی دعوت دی۔
گزشتہ روز قومی اسمبلی کا اجلاس سپیکر ایاز صادق کی زیر صدارت ہوا جس دوران شہبازشریف 201 ووٹ حاصل کر کے وزیراعظم منتخب ہوئے جبکہ عمر ایوب نے 92 ووٹ حاصل کیئے ۔
آج ایوان صدر میں صدر مملکت عارف علوی نے شہبازشریف سے وزیراعظم کے عہدے کا حلف لیا ، حلف برداری کی تقریب میں آرمی چیف سمیت دیگر عسکری وسول قیادت نے شرکت کی ۔
