صدارتی انتخابات کے لیے آصف زرداری کے کاغذات نامزدگی منظور کرلیے گئے جبکہ سنی اتحاد کونسل کے امیدوار محمود خان اچکزئی کے خلاف اعتراضات پر فیصلہ محفوظ کرلیا گیا۔
سابق صدر اور پیپلز پارٹی کے شریک چیئرمین آصف علی زرداری کے صدارتی امیدوار کے لیے کاغذات نامزدگی اسلام آباد ہائیکورٹ میں جمع کرائے گئے تھے جنہیں جانچ پڑتال کے بعد منظور کرلیا گیا ہے۔
چیف الیکشن کمشنر صدارتی انتخابات کے ریٹرننگ افسر ہیں انہوں نے اسکروٹنی کے بعد سابق صدر کے کاغذات منظور کیے۔
پی پی رہنما فاروق ایچ نائیک نے بتایا کہ آصف زرداری کے کاغذات نامزدگی پر کوئی اعتراض نہیں کیا گیا اور ان کے بطور صدارتی امیدوار کاغذات منظور کرلیے گئے۔
سنی اتحاد کونسل کے امیدوار محمود خان اچکزئی پر مخالف امیدواروں کے اعتراضات عائد کیے گئے، الیکشن کمیشن نے محمود خان اچکزئی کے خلاف اعتراضات پر فیصلہ محفوظ کرلیا۔
