اڈیالہ جیل راولپنڈی میں قیدیوں کے جھگڑے کے دوران قیدی کے قتل کے واقعہ کا مقدمہ درج کر لیا گیا۔
یاد رہے کہ جمعرات کے روز اڈیالہ جیل راولپنڈی میں افسوسناک واقعہ پیش آیا تھا جہاں قیدیوں کے درمیان جھگڑے کے نتیجے میں ایک قیدی قتل ہوگیا تھا۔
پولیس حکام کے مطابق جھگڑے کے دوران قتل ہونے والے قیدی کی شناخت اعجاز ربانی کے نام سے ہوئی جبکہ اس دوران ایک قیدی زخمی بھی ہوا جس کی شناخت عماد علی کے نام سے ہوئی۔
لازمی پڑھیں۔ اڈیالہ جیل میں قیدیوں کے درمیان جھگڑا، ایک قیدی قتل
جمعہ کے روز معاملے میں اہم پیشرفت سامنے آئی ہے اور سپرینڈنٹ اڈیالہ جیل کی درخواست پر تھانہ صدر بیرونی میں ملزم محمد احسن کیخلاف مقدمہ درج کر لیا گیا ہے۔
حکام کے مطابق واقعے کے مقدمے میں 2 وارڈر اور ایک حوالاتی کو بطور گواہ بھی شامل کیا گیا ہے۔
