راولپنڈی کی اڈیالہ جیل میں قیدیوں کے درمیان جھگڑے کے نتیجے میں ایک قیدی قتل ہوگیا۔
جمعرات روز اڈیالہ جیل راولپنڈی میں افسوسناک واقعہ پیش آیا جہاں قیدیوں کے درمیان جھگڑے کے نتیجے میں ایک قیدی قتل ہوگیا۔
پولیس حکام کے مطابق جھگڑے کے دوران قتل ہونے والے قیدی کی شناخت اعجاز ربانی کے نام سے ہوئی ہے جبکہ اس دوران ایک قیدی زخمی بھی ہوا جس کی شناخت عماد علی کے نام سے ہوئی۔
حکام کا کہنا تھا کہ عماد علی کو طبی امداد کے لئے پمز ہسپتال منتقل کر دیا گیا ہے۔
حکام کا مزید کہنا تھا کہ مقتول اور زخمی کے جھگڑے کے بارے میں تفصیلات اکھٹی کر رہے ہیں، لاش اور زخمی کو پمز سے ڈی ایچ کیو منتقلی کے انتظامات کیے جا رہے ہیں۔
