نو منتخب ممبر قومی اسمبلی ( ایم این اے ) راجہ خرم شہزاد اور پاکستان تحریک انصاف کے سابق رہنما علی نواز اعوان آزادی مارچ اور دفعہ 144 کی خلاف وزری پر درج مقدمات میں بری ہوگئے۔
ڈسٹرکٹ اینڈ سیشن کورٹ اسلام آباد میں جوڈیشل مجسٹریٹ شائستہ خان کنڈی نے آزادی مارچ اور دفعہ 144 کی خلاف ورزی پر درج مقدمات کی سماعت کی جس کے دوران ایم این اے راجہ خرم نواز،علی نواز اعوان اور دیگر ملزمان عدالت میں پیش ہوئے۔
عدالت نے ملزمان کی حاضری لگا کر بریت کا فیصلہ سنایا جبکہ غیر حاضر ملزمان کی حد تک کارروائی ملتوی کردی۔
مقدمات میں نامزد فیصل عارف ، ناصر بادشاہ ، ملک اخلاق اور دیگر ملزمان بھی بری ہوگئے جبکہ بانی پی ٹی آئی کی پروڈکشن درخواست پر جیل حکام سے جواب طلب کرلیا گیا۔
ملزمان کے خلاف تھانہ سہالہ اور تھانہ لوہی بھیر میں مقدمات درج ہیں۔
