یورپی یونین میں شامل ممالک نے روس کے خلاف پابندیوں کے 13ویں پیکیج پر اتفاق کر لیاہے جو 24 فروری تک نافذ العمل ہو جائے گا۔
یورپی یونین کونسل کے بیلجیم پریزیڈنسی کے ایکس اکاؤنٹ پر جاری کیے گئے ایک بیان کے مطابق یورپی یونین کے سفیروں نے یوکرین کے خلاف روس کی جارحیت کے فریم ورک میں پابندیوں کے 13ویں پیکیج پر اصولی طور پر اتفاق کیا ہے۔
جاری بیان کے مطابق یہ پیکیج یورپی یونین کی طرف سے منظور شدہ وسیع ترین پیکجز میں سے ایک ہے۔ روس کے خلاف پابندیوں کا یہ پیکیج 24 فروری کو باضابطہ طور پر منظور کیا جائے گا ۔
‼️ Deal ‼️ EU Ambassadors just agreed in principle on a 13th package of sanctions in the framework of Russia's aggression against Ukraine.
— Belgian Presidency of the Council of the EU 2024 (@EU2024BE) February 21, 2024
This package is one of the broadest approved by the EU. It will undergo a written procedure and be formally approved for the 24 February.
بیان کے مطابق اس پیکیج میں تقریباً 200 افراد اور قانونی اداروں کو نہ صرف روس سے، بلکہ چین، ایران اور شمالی کوریا سمیت متعدد روسی پارٹنر ریاستوں سے بزنس کے لئے بلیک لسٹ کرنا بھی شامل ہے۔ ان ریاستوں پر یورپی یونین کو مغربی پابندیوں کا مقابلہ کرنے کے لیے ماسکو کے اقتصادی اقدامات میں حصہ لینے کا شبہ ہے۔
یورپی یونین کے مطابق وزارتی سطح پر یورپی یونین کونسل کی طرف سے منظوری کے بعد پابندیاں لاگو ہونے کے لیے یورپی یونین کے آفیشل جرنل میں شائع ہونا ضروری ہے۔
